मंगळवार दि.11 जानेवारी 2022 रोजी नवी मुंबई महानगरपालिकेचे भोकरपाडा जलशुद्धीकरण केंद्र, मोरबे धरण ते दिघा मुख्य जलवाहिनी व सेक्टर 28 बेलापूर पंपहाऊस येथील देखभाल दुरुस्तीची व आवश्यक कामे हाती घेण्यात येणार आहेत. त्यामुळे नवी मुंबई महानगरपालिका क्षेत्रास जलशुद्धीकरण केंद्रातुन होणारा पाणी पुरवठाही बंद राहणार आहे.

      त्याचप्रमााणे नवी मुंबई महानगरपालिका क्षेत्रातील बेलापूर, नेरुळ, तुर्भे, वाशी, कोपरखैरणे, घणसोली, ऐरोली या विभागात मंगळवार दि. 11 जानेवारी 2022 रोजी पाणी पुरवठा संध्याकाळी होणार नाही.

       तसेच या कालावधीत महानगरपालिका क्षेत्रातील जलवाहिनीवरील थेट नळ जोडण्यांचा व सिडको क्षेत्रातील कामोठे व खारघर नोडमधील नवी मुंबई महानगरपालिकेकडून होणारा पाणी पुरवठा देखील बंद राहील. तसेच बुधवार दि. 12 जानेवारी 2022 रोजी कमी दाबाने पाणी पुरवठा होईल, याची कृपया नोंद घ्यावी.

      या अनुषंगाने नवी मुंबई महानगरपालिका क्षेत्रातील नागरिकांनी या कालावधीत पाण्याचा जपून व काटकसरीने वापर करावा आणि नवी मुंबई महानगरपालिकेस सहकार्य करावे असे आवाहन करण्यात येत आहे.