:: जागतिक महिला दिनी ज्येष्ठ आणि 45 वर्षांवरील कोमोर्बिड महिलांकरिता अधिक 4 महिला विशेष कोव्हीड 19 लसीकरण केंद्रे

मराठी
A-
A
A+
A
A
Select theme :

Select theme :

जागतिक महिला दिनी ज्येष्ठ आणि 45 वर्षांवरील कोमोर्बिड महिलांकरिता अधिक 4 महिला विशेष कोव्हीड 19 लसीकरण केंद्रे

Image 2021-03-07 at 5_24_11 PM.jpeg

जागतिक महिला दिनाचे औचित्य साधून महापालिका आयुक्त श्री. अभिजित बांगर यांच्या मार्गदर्शनानुसार, 8 मार्च 2021 रोजी नवी मुंबई महानगरपालिकेच्या कोव्हीड लसीकरण मोहिमेकरिता कार्यान्वित वाशी,नेरुळ व ऐरोली या ३ महापालिका रुग्णालयांमधील केंद्रांमध्ये अधिक भर घालत ४ महिला विशेष लसीकरण केंद्रे कार्यान्वित करण्यात येत आहेत. या ४ लसीकरण केंद्रावर उद्याच्या जागतिक महिला दिनी फक्त महिलांसाठीच लसीकरण उपलब्ध असणार आहे.

यामध्ये, (1) नागरी प्राथमिक आरोग्य केंद्र इंदिरानगर तुर्भे अंतर्गत नमुंमपा शाळा क्र.25 येथे, (2) नागरी प्राथमिक आरोग्य केंद्र, चिंचपाडा ऐरोली मार्फत

नमुंमपा शाळा क्र.53 येथे, (3) नागरी प्राथमिक आरोग्य केंद्र खैरणे मार्फत नमुंमपा सीबीएसई शाळा सेक्टर ११ कोपरखैरणे येथे, (4) नागरी प्राथमिक आरोग्य केंद्र वाशीगाव, सेक्टर २, वाशी - अशा ४ लसीकरण केंद्रांचा समावेश आहे.

शासनाच्या मार्गदर्शक सूचनांनुसार या ४ नागरी प्राथमिक आरोग्य केंद्रामध्ये उद्यापासून लसीकरण सुरु होणार असून या केंद्रांवर सोमवार, बुधवार व शुक्रवार असे आठवड्यातील तीन दिवस उद्याचा महिला विशेष दिवस वगळता पुरुष व महिला असे दोघांचेही लसीकरण होणार आहे.

उद्या ८ मार्चपासून ही 4 केंद्रे सुरू करण्यात येत असून या प्रत्येक केंद्रावर प्रतिदिनी १०० लाभार्थ्यांचे लसीकरण करण्यात येणार आहे. तिसऱ्या टप्प्यात ज्येष्ठ नागरिक व ४५ वर्षांवरील कोमाॅर्बिड व्यक्तींचे लसीकरण सुरू झाले असून ३ महापालिका रूग्णालये व ७ खाजगी रुग्णालयातील कोव्हीड 19 लसीकरण केंद्रात आणखी ४ लसीकरण केंद्रांची भर पडत असल्याने नागरिकांना अधिक सुविधा उपलब्ध होणार आहे. पुढे सत्रांची संख्या वाढविण्याचे नियोजन करण्यात येत आहे.

Published on : 08-03-2021 12:27:56,Posted by : Navi Mumbai ,Category : News and update