नवी मुंबई महानगरपालिकेच्या कार्यक्षेत्रातील बेलापूर विभागांतर्गत करावे, सेक्टर- 36, घर क्र. 69, विठ्ठल रुक्मीणी मंदीराच्या मागे नवी मुंबई महानगपालिकेची कोणतेही पुर्वपरवानगी न घेता अनधिकृतपणे बांधकाम सुरु केले होते. या अनधिकृत बांधकामास बेलापूर विभागामार्फत महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आलेली होती. संबंधीताने केलेले अनधिकृत बांधकाम स्वत:हून हटविणे आवश्यक होते. परंतु त्यांनी सदर ठिकाणी अनधिकृत बांधकाम सुरु ठेवले आहे.

      सदर अनधिकृत बांधकामावर बेलापूर विभागामार्फत तोडक मोहिमेचे आयोजन करुन करण्यात आलेले अनधिकृत बांधकाम निष्कासित करण्यात आले. या धडक मोहिमेसाठी बेलापूर विभागाकडील अधिकारी/कर्मचारी, 20 मजुर, 1 गॅसकटर, 1 इलेक्ट्रीकल हॅमर, 1 मुकादम, 1 पिक अप व्हॅन तसेच स्थानिक एन.आर.आय. पोलीस व नमुंमपा अतिक्रमण  विभागाकडील पोलिस तैनात होते.

त्याचप्रमाणे ‌घणसोली कार्यक्षेत्रातील जिजामाता नगर, घणसोली, या ठिकाणी आरसीसी जोत्याचे बांधकामाकरीता खोदकाम प्रगतीपथावर होते तसेच प्लॉट नं. 153, से.-1, तळवली इमारती समोर, तळवली से. 21, घणसोली या ठिकाणी तळमजला आरसीसी कॉलमचे काम प्रगतीपथावर असल्याचे निदर्शनास आले होते. या दोघांनी नवी मुंबई महानगरपालिकेची कोणतीही पुर्व परवानगी न घेता अनधिकृतपणे बांधकाम सुरू केले होते. सदरील अनधिकृत बांधकामांस घणसोली विभागामार्फत महाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वये नोटीस बजाविण्यात आलेली होती. संबंधितांनी केलेले अनधिकृत बांधकाम स्वत:हून हटविणे आवश्यक होते. परंतू त्यांनी सदर ठिकाणी अनधिकृत बांधकाम सुरू ठेवले होते.

      सदर दोन्ही अनधिकृत बांधकामांवर घणसोली विभागामार्फत तोडक मोहिमेचे आयोजन करण्यात आलेले होते. त्यानुसार दोनही अनधिकृत बांधकामे निष्कासित करण्यात आलेली आहेत. या धडक मोहिमेसाठी घणसोली विभागातील अधिकारी / कर्मचारी, मजूर-11, जेसीबी-1, ब्रेकर-2, गॅस कटर-1 तसेच अतिक्रमण विभागाकडील पोलीस पथक तैनात होते.

      यापुढे देखील अशाप्रकारे कारवाई तीव्र करण्यात येणार आहे.