मा. राज्य निवडणूक आयोग, महाराष्ट्र यांचेकडील पत्र क्र. रानिआ/मनपा-2022/प्रक्र.29/का-5, दि. 06/07/2022 रोजीच्या आदेशान्वये नवी मुंबई महानगरपालिका सार्वत्रिक निवडणूक – 2022 करिता प्रभागनिहाय अंतिम मतदार यादी प्रसिध्द करण्याचा कार्यक्रम निश्चित करण्यात आलेला आहे. त्यानुसार प्रभागनिहाय अंतिम मतदार याद्या तयार करण्यात आलेल्या आहेत.

     मा. राज्य निवडणूक आयोग यांचेकडील कालबध्द कार्यक्रमानुसार नवी मुंबई महानगरपालिकेकडून दि. 16 जुलै 2022 रोजी प्रभागनिहाय अंतिम मतदार याद्या नवी मुंबई महानगरपालिका मुख्यालय तसेच संबंधित प्रभागाच्या विभाग कार्यालयांतील सूचना फलक त्याचप्रमाणे www.nmmc.gov.in या संकेतस्थळावर प्रसिध्द करण्यात येत आहेत, याची नागरिकांनी नोंद घ्यावी असे नवी मुंबई महानगरपालिका निवडणूक विभागाच्या वतीने सूचित करण्यात येत आहे.