नवी मुंबई महानगरपालिका कार्यक्षेत्रातील तुर्भे विभागांतर्गत भूखंड क्र. 114, से. 5, सानपाडा, नवी मुंबई याठिकाणी विनापरवानगी सुमारे 12.00 मी. X 08.00 मी. व 12.00 मी. x13.00 मी. इतक्या मोजमापाचे तळमजल्याच्या स्लॅबचे काम पूर्ण झालेले आहे.

       या अनधिकृत बांधकामास महाराष्ट्र प्रादेशिक व नगररचना अधिनियम, 1966 चे कलम 54 अन्वये नोटीस बजावण्यात आलेली होती. परंतु, सदर ठिकाणी अनधिकृत बांधकाम सुरुच होते. सदर अनधिकृत बांधकामावर तुर्भे विभाग कार्यालयामार्फत तोडक कारवाईच्या मोहिमेचे आयोजन करुन सदर अनधिकृत बांधकाम निष्कासित करण्यात आलेले आहे.

      सदर मोहिमेसाठी तुर्भे विभागातील अधिकारी / कर्मचारी उपस्थित होते. ‍तसेच अतिक्रमण निर्मुलन पथकातील पोलीस अधिकारी / अंमलदार देखील तैनात ठेवण्यात आलेले होते.

       या मोहिमेकरीता 01 पोकलेन चा वापर करण्यात आलेला आहे. सदर अनधिकृत बांधकाम निष्कासन कारवाईपोटी रक्कम रु.1,00,000/- इतकी दंडात्मक वसुली देखील करण्यात आलेली आहे.

       तसेच यापुढे देखील अशा प्रकारे अतिक्रमण विरोधी कारवाई अधिकतीव्र करण्यात येईल.