नवी मुंबई महानगरपालिकेच्या कार्यक्षेत्रातील नेरुळ विभागांतर्गत घर क्र. 191 अ, नमुंमपा सार्वजनिक शौचालयाशेजारी, सेक्टर-6, सारसोळे गांव, नवी मुंबई याठिकाणी तळमजला + 1 मजल्याचे आर.सी.सी. बांधकाम विनापरवानगी अनधिकृतरित्या सुरु होते. या अनधिकृत बांधकामास नेरूळ विभाग कार्यालयाकडून महाराष्ट्र प्रादेशिक नियोजन व नगररचना अधिनियम 1966 चे कलम 54 नुसार दि.21 सप्टेंबर 2022 रोजी नोटीस बजावण्यात आलेली होती. तथापी नोटीसीची मुदत संपुष्टात येऊनही विकासकाने अनधिकृत बांधकाम सुरूच ठेवले होते.

      त्यामुळे सारसोळे गावातील या अनधिकृत बांधकामावर नेरुळ विभाग कार्यालयामार्फत अतिक्रमण विभागाचे उपआयुक्त डॉ. अमरिश पटनिगीरे यांचे मार्गर्दर्शनाखाली हे अनधिकृत बांधकाम निष्कासित करण्यात आले. हे अनधिकृत बांधकाम पोकलेन मशिन, गॅस कटर व ब्रेकरच्या सहाय्याने निष्कासित करण्यात आले. या धडक मोहिमेवेळी नेरुळ विभागाचे सहा. आयुक्त तथा विभाग अधिकारी श्री. सुनिल बाळकृष्ण पाटील, श्री. रितेश पुरव, कनिष्ठ अभियंता श्री. शैलेश माहेगांवक, अधिक्षक व अतिक्रमण विभागातील कर्मचारी, तसेच अतिक्रमण विभागाकडील पोलीस पथक तैनात होते.

       यापुढे देखील अशा प्रकारे विभाग कार्यक्षेत्रातील अनधिकृत बांधकाम निष्कासनाची कारवाई तीव्र करण्यात येणार असल्याचे नेरूळ विभागाचे सहा. आयुक्त तथा विभाग अधिकारी श्री. सुनिल पाटील यांनी सांगीतले.