माझी वसुंधरा अभियानामध्ये नवी मुंबई राज्यातील सर्वप्रथम क्रमांकाचे पर्यावरणशील शहर म्हणून नावजले गेले असून यावर्षीच्या माझी वसुंधरा अभियान 3.0 ला सामोरे जाताना हा पहिला क्रमांक कायम राखण्याचा निर्धार करण्यात आलेला आहे. यादृष्टीने महापालिका आयुक्त श्री. राजेश नार्वेकर यांच्या मार्गदर्शनाखाली विविध कार्यक्रमांचे व उपक्रमांचे आयोजन केले जात असून त्यामध्ये नागरिक सहभागावर भर दिला जात आहे.

          आजच्या जागतिक महिला दिनाचे औचित्य साधून नवी मुंबई महानगरपालिकेतील महिला अधिकारी, कर्मचारीवृंदाला महिला दिनाच्या शुभेच्छा देत माझी वसुंधरा अभियानाच्या नमुंमपा नोडल अधिकारी तथा अतिरिक्त आयुक्त श्रीम. सुजाता ढोले यांच्या संकल्पनेतून मुख्यालयातील ॲम्फीथिएटरमध्ये विशेष कार्यक्रम राबविण्यात आला.

        याप्रसंगी उपस्थित महिला अधिकारी, कर्मचारी यांना तुळशीची वृक्षरोपे प्रदान करून जागतिक महिला दिनाच्या शुभेच्छा प्रदान करण्यात आल्या. तसेच त्यामधून पर्यावरणशील संदेश प्रसारित करण्यात आला. यावेळी अतिरिक्त आयुक्त श्रीम. सुजाता ढोले यांच्यासह उपस्थित अधिकारी घनकचरा व्यवस्थापन विभागाचे उपआयुक्त डॉ. बाबासाहेब राजळे, समाजविकास विभागाचे उपआयुक्त डॉ. श्रीराम पवार, महापालिका सचिव श्रीम. चित्रा बाविस्कर, शिक्षणाधिकारी श्रीम. अरुणा यादव, सहाय्यक आयुक्त डॉ. मिताली संचेती, वैद्यकीय अधिकारी डॉ. रत्नप्रभा चव्हाण, कार्यकारी अभियंता श्रीम. शुभांगी दोडे, मुख्य स्वच्छता अधिकारी श्री. राजेंद्र सोनावणे आदी मान्यवरांसह सर्व महिला कर्मचा-यांनी सामुहिकरित्या माझी वसुंधरा शपथ ग्रहण केली. यावेळी निश्चय केला नंबर पहिला हा घोष करण्यात आला.