नवी मुंबई महानगरपालिका क्षेत्रातील अतिक्रमण विरोधी मोहीम तीव्र करण्यात आलेली असून आज तुर्भे विभागा प्रमाणेच घणसोली विभागातही महापालिका आयुक्तांच्या निर्देशानुसार, अतिक्रमण विभागाचे उपआयुक्त्‍ डॉ. राहुल गेठे यांच्या नियंत्रणाखाली धडक कारवाई करण्यात आली.

‌       घणसोली विभाग कार्यक्षेत्रात मरीआई हाईट्स इमारतीसमोर, मुख्य रस्त्यालगत, मरीआईमंदिर परिसर, गोठीवली येथेघरमालक व विकासक गुणानाथ लक्ष्मण म्हात्रे, घरमालक आकाश चंद्रकांत पाटील व विकासक गणेश नामदेव गाडीगावकर यांनी 3 मजल्याच्या इमारतीचे आरसीसी बांधकाम नवी मुंबई महानगरपालिकेची कोणतीही पूर्वपरवानगी न घेताअनधिकृतपणे सुरू केले होते.

        या अनधिकृत बांधकामांस घणसोली विभागामार्फतमहाराष्ट्र प्रादेशिक नियोजन व नगररचना अधिनियम 1966 मधील कलम 54 अन्वयेनोटीस बजाविण्यात आलेली होती. संबंधितांनी केलेले अनधिकृत बांधकाम स्वत:हूनहटविणे आवश्यक होते. परंतू त्यांनी हे अनधिकृत बांधकाम तसेच सुरू ठेवले होते.

          या अनधिकृत बांधकामावर महानगरपालिकेचे घणसोली विभाग कार्यालय व सिडको लि.यांच्यावतीने तोडक मोहिमेचे आयोजन करण्यात आले.त्यामध्ये गुणानाथ लक्ष्मण म्हात्रेयांचे अनधिकृत बांधकाम पहिल्यांदा तसेच आकाश चंद्रकांत पाटील यांचे अनधिकृत बांधकाम दुस-यांदा पोकलनच्या साहाय्याने निष्कासित करण्यात आले.

           या धडक मोहिमेसाठीघणसोली विभागातील अधिकारी, कर्मचारी, तसेच 12 मजूर, 3 ब्रेकर, 1 गॅस कटर तसेचअतिक्रमण विभागाकडील पोलीस पथक तैनात होते.