*नवी मुंबई महानगरपालिकेच्या वतीने कोव्हीड लसीकरणाला गती दिली जात असताना 18 वर्षावरील एकही लाभार्थी नागरिक लसीकरणापासून वंचीत राहू नये याची दक्षता घेतली जात आहे. या अनुषंगाने आधारकार्ड नसलेल्या नागरिकांसाठीही माँसाहेब मिनाताई ठाकरे रुग्णालय, नेरुळ व राजमाता जिजाऊ रुग्णालय, ऐरोली येथील महापालिका रुग्णालयात लसीकरणाचे विशेष सत्र आयोजित करण्यात आले होते. त्याचा लाभ 93 नागरिकांनी घेतला होता.

अशाचप्रकारे आधारकार्ड नसलेल्या उर्वरित नागरिकांसाठी उद्या दि. 12 ऑक्टोबर रोजी नेरुळ व ऐरोली या दोन्ही रुग्णालयांत सकाळी 9 ते 5 या वेळेत विशेष लसीकरण सत्रांचे आयोजन करण्यात येत आहे.