न्हावे गांव परिसरातून नवी मुंबईकडे शिक्षण, नोकरी, व्यवसाय याकरिता ये-जा करणाऱ्या असंख्य विद्यार्थी व नागरिकांची संख्या दिवसेंदिवस मोठया प्रमाणात वाढत आहे. या प्रवाशांकडून न्हावे गांव ते नवी मुंबई या मार्गावर बससेवा सुरु करण्याची वारंवार मागणी होत आहे. या अनुषंगाने नागरिकांच्या सोयीच्या दृष्टीने नवीन वातानुकूलित बसमार्ग क्र. 16 बेलापूर रेल्वे स्थानक ते न्हावेगांव मार्गे खारकोपर रेल्वे स्थानक (पूर्व) असा नवीन बसमार्ग शनिवार दि, 6 ऑगस्ट 2022 पासून सुरू होत आहे.

      या नवीन थेट वातानुकूलीत बससेवेमुळे या भागातील नागरिकांची मोठी सोय होणार असून या बस सेवेचा लाभ सर्व प्रवाशांनी घ्यावा असे आवाहन नवी मुंबई महानगरपालिका परिवहन उपक्रमामार्फत करण्यात येत आहे.