कोव्हीड - 19 सांख्यिकी तपशील (दुपारी 3 वा. पर्यंत अद्ययावत)

l कोव्हीड - 19 चाचणी केलेल्या नागरिकांची संख्या           :-  228

                                  पॉझिटिव्ह            :-   31

                                   निगेटिव्ह           :-   163

                      तपासणी अहवाल प्रलंबित           :-    34

                 अहवाल पॉझिटिव्ह ते निगेटिव्ह           :-    07

l सेक्टर 14 वाशी येथील संस्थात्मक क्वारंटाईन नागरिक संख्या :-    14

l घरीच क्वारंटाईन असलेल्या व्यक्तींची संख्या               :-  1283

l क्वारंटाईन कालावधी पूर्ण संख्या                         :-    675

l सार्व.रूग्णा,, वाशी येथे आयसोलेशन वॉर्ड मध्ये नागरिक संख्या :-    24

l कोव्हीड - 19 विशेष रूग्णालय (सार्व.रूग्णा.,वाशी) येथे दाखल  :-    04 + 02 (पनवेल येथील)

l कोव्हीड -19 मुळे मृत्यू संख्या                           :-    01

बेघर, निराधार, मजूर, विस्थापित कामगार, गरजू नागरिकांना मदतकार्य

l विभागवार निवारा केंद्र एकूण संख्या                               :-  17 + 1 (सिडको एक्झि.सेंटर)

l सद्यस्थितीत कार्यान्वित निवारा केंद्र संख्या                         :-  04 + 1 (सिडको एक्झि.सेंटर)

l निवारा केंद्रातील एकूण नागरिक संख्या                             :-  268

l नमुंमपा शाळा क्र. 6, से. 6, सारसोळे, नेरूळ निवारा केंद्र नागरिक संख्या :-   11

l नमुंमपा शाळा क्र. 102, से. 14, ऐरोली निवारा केंद्र नागरिक संख्या     :-   14

l नमुंमपा निवारा केंद्र, आग्रोळी, से.11, बेलापूर निवारा केंद्र नागरिक संख्या :-   20

l नमुंमपा निवारा केंद्र, से.4, घणसोली निवारा केंद्र नागरिक संख्या        :-   07

l सिडको एक्झिबिशन सेंटर, से.30, वाशी निवारा केंद्र नागरिक संख्या      :-  216

l सद्यस्थितीत कार्यान्वित चारही निवारा केंद्रात असलेल्या 268 व्यक्तींना अल्पोपहार, चहा आणि सकाळचे व दुपारचे जेवण महानगरपालिकेने स्थापित केलेल्या सेक्टर 19, नेरूळ येथील कम्युनिटी किचनव्दारे दिले जात आहे.

l याशिवाय कोव्हीड - 19 आपत्ती व्यवस्थापन केंद्राच्या नियंत्रण कक्षातील टोल फ्री क्रमांकावर तसेच विभाग कार्यालयांमध्ये आलेल्या मागणीनुसार महानगरपालिका क्षेत्रातील गरजू मजूर, कामगार, विस्थापित कामगार, बेघर नागरिक, काळजी घेण्यास कोणी नसलेल्या दिव्यांग व्यक्ती, ज्येष्ठ नागरिक अशा 15666 व्यक्तींना आज स्वयंसेवी संस्था, दानशूर व्यक्ती यांच्या सहयोगाने जेवण दिले गेले आहे. 

l महानगरपालिकेच्या वतीने 8 विभागांमध्ये 17 ठिकाणी निवारा केंद्रांचे विभागवार नियोजन करण्यात आले असून 1400 व्यक्तींच्या निवा-याची व्यवस्था करण्यात आलेली आहे.

l या निवारा केंद्रातील नागरिकांना अल्पोपहार व जेवण पुरविण्यासाठी 9 कम्युनिटी किचनचे नियोजन करण्यात आले आहे.

सार्वजनिक ठिकाणी मास्क परिधान करण्याचे आयुक्त श्री. अण्णासाहेब मिसाळ यांचे आदेश 

l कोरोना विषाणूचा प्रसार रोखण्यासाठी विविध उपाययोजना करण्यात येत असून हा संसर्गातून पसरत असल्याने नवी मुंबईत कोणत्याही नागरिकाने सार्वजनिक ठिकाणी वावरताना तीन पदरी अथवा कापडी मास्क घालणे बंधनकारक आहे असे महापालिका आयुक्त श्री. अण्णासाहेब मिसाळ यांनी विशेष आदेशाव्दारे निर्देशित केले आहे.

l त्याचप्रमाणे विविध कार्यालयांमध्ये, कामाच्या ठिकाणी वावरतानाही मास्क परिधान करणे अनिवार्य असल्याचे आयुक्तांनी सूचित केले आहे. सदरचे मास्क हे केमिस्टच्या दुकानात उपलब्ध असलेले असावेत तसेच घरगुती धुवून वापरण्यायोग्य असलेले मास्कही चालतील, तथापी सदर पुन्हा वापरण्यायोग्य असलेले मास्क स्वच्छ धुतलेले व निर्जंतुकीकरण केलेले असणे आवश्यक असल्याचे आदेशात स्पष्ट नमूद करण्यात आलेले आहे.

l सदर नियमाचे उल्लंघन केलेले आढळल्यास भारतीय दंड संहिता (1860 चे 48) कलम 188 अन्वये कायदेशीर कारवाई करण्यात येईल याची नागरिकांनी नोंद घ्यावयाची आहे.

27 "फ्ल्यू क्लिनिक", 2 "कोव्हिड केअर सेंटर" व 2 "डेडिकेटेड कोव्हिड हेल्थ सेंटर" आणि

नमुंमपा वाशी रुग्णालयात"डेडिकेटेड कोव्हिड हॉस्पिटल"व्दारे कोरोना तपासणी व उपचाराचे सुयोग्य नियोजन

l कोरोना विषाणूचा वाढता प्रादुर्भाव रोखण्यासाठी विविध उपाययोजना करत असताना कोरोनाची लक्षणे आढळणा-या नागरिकांची त्वरीत दखल घेऊन त्यांची तपासणी करण्याच्या दृष्टीने महापालिका आयुक्त श्री. अण्णासाहेब मिसाळ यांनी सुयोग्य नियोजन केले आहे.

l याकरिता महानगरपालिकेची नेरुळ, ऐरोली, तुर्भे, बेलापूर येथील रुग्णालयांमध्ये तसेच 23 नागरी आरोग्य केंद्रांमध्ये बाह्य रुग्ण सेवा (OPD) सक्षमपणे स्वतंत्र रितीने कार्यान्वित ठेवून त्याठिकाणी "फ्ल्यू क्लिनिक" सुरु करण्यात येत आहेत. याव्दारे प्रामुख्याने ताप, सर्दी, घशात खवखव / खोकला आणि श्वास घेण्यास त्रास अशी लक्षणे आढळणा-या नागरिकांची तपासणी करण्यात येणार असून इतर आजारी व्यक्तींची स्वतंत्र तपासणी केली जाणार आहे.

l नागरी आरोग्य केंद्रांच्या नियमित वेळेइतकेच सकाळी 9 ते दु. 1 या वेळेत हे "फ्ल्यू क्लिनिक" सुरु राहणार आहे.

l या "फ्ल्यू क्लिनिक" मध्ये कोरोना विषयीची लक्षणे आढळणा-या नागरिकांना कोव्हिड - 19 विषयी तपासणी करण्यासाठी "कोव्हिड केअर सेंटर" याठिकाणी संदर्भित केले जाणार आहे.

l सेक्टर 30, वाशी / सानपाडा येथील एम.जी.एम. सुपरस्पेशालिटी हॉस्पिटल तसेच सेक्टर 19 वाशी येथील ए.पी.एम.सी. फळ बाजार मधील बहुउद्देशीय इमारतीमध्ये "कोव्हिड केअर सेंटर" स्थापीत करण्यात येत आहे. याठिकाणी "फ्ल्यू क्लिनिक" मधून संदर्भित केलेल्या नागरिकांची तपासणी करण्यात येणार असून त्यामधून सौम्य स्वरुपाचे कोव्हिड - 19 रुग्ण यांच्यावर उपचार करण्यात येतील व सॅंपल टेस्ट रिपोर्ट निगेटिव्ह आलेल्या नागरिकांना होम क्वारंटाईन किंवा इंन्टिट्युशनल क्वारंटाईन करण्यात येईल. 

l या "कोव्हिड केअर सेंटर" मध्ये दाखल करण्यात आलेले संशयीत व सौम्य स्वरुपातील कोव्हिड - 19 बाधीत रुग्णांवर त्याठिकाणीच उपचार केले जाणार असून मध्यम स्वरुपातील कोव्हिड - 19 बाधीत रुग्णांवर सेक्टर 10 वाशी येथील हिरानंदानी फोर्टीज हॉस्पिटल अथवा रिलायन्स हॉस्पिटल कोपरखैरणे या ठिकाणी उपचार केले जाणार आहेत. सदरची 3 रुग्णालये ही "डेडिकेटेड कोव्हिड हेल्थ सेंटर" म्हणून स्थापीत करण्यात आलेली आहेत.

l गंभीर स्वरुपातील कोव्हिड - 19 बाधीत रुग्णांवर नवी मुंबई महानगरपालिकेच्या वाशी येथील सार्वजनिक रुग्णालयात स्थापीत "डेडिकेटेड कोव्हिड हॉस्पिटल" मध्ये उपचार केले जाणार आहेत.

l सर्वसामान्य नागरिकांना ताप, खोकला, सर्दी, श्वासोच्छवासास त्रास अशा लक्षणांसाठी उपचारार्थ महानगरपालिकेची 23 नागरी आरोग्य केंद्रें व 4 रुग्णालये याठिकाणी "फ्ल्यू क्लिनिक"ची स्थापना करून त्यामधील कोरोना सदृष्य लक्षणे आढळणा-या नागरिकांसाठी 2 ठिकाणी "कोव्हिड केअर सेंटर" ची स्थापना आणि कोव्हिड - 19 रुग्णांवर उपचारासाठी 2 ठिकाणी "डेडिकेटेड कोव्हिड हेल्थ सेंटर" तसेच वाशी सार्वजनिक रुग्णालयात "डेडिकेटेड कोव्हिड हॉस्पिटल" ची स्थापना करून नवी मुंबई महानगरपालिकेने कोव्हिड - 19 प्रसार प्रतिबंध व उपचारासाठी सुयोग्य नियोजन केले आहे.

कोव्हिड - 19 आजचे अपडेट (09/04/2020)

l सेक्टर 28 नेरुळ येथील पुरुष तसेच सेक्टर 18 नेरूळ येथील महिला कोरोना पॉझीटिव्ह असलेल्या नागरिकांचे  टेस्ट रिपोर्ट्स आता निगेटिव्ह आलेले असून कोरोना पॉझीटिव्ह टू निगेटिव्ह झालेल्या नवी मुंबई महानगरपालिका क्षेत्रातील नागरिकांची संख्या 7 झालेली आहे.

l वाशी येथील सार्वजनिक रुग्णालयात सुरु केलेल्या कोव्हिड - 19 स्पेशल रुग्णालयामध्ये आजमितीस 4 नवी मुंबई महानगरपालिका क्षेत्रातील कोरोना बाधीत व्यक्ती आणि 2 नवी मुंबई महानगरपालिका क्षेत्राबाहेरील (पनवेल) कोरोना बाधीत व्यक्ती उपचार घेत आहेत.

l नवी मुंबई महानगरपालिका क्षेत्रात आज सेक्टर 23 नेरुळ येथील 68 वर्षीय नागरिकाची कोरोना टेस्ट पॉझीटिव्ह आलेली आहे. सदर नागरिकाच्या नजिकच्या संपर्कातील 7 व्यक्तींची कोरोना टेस्ट करून घेण्यात येत आहे. सदर सेक्टर 23 नेरुळचा परिसर यापूर्वीच कन्टेंटमेंट झोन म्हणून जाहीर करण्यात आलेला आहे.

l ए.पी.एम.सी. मसाला मार्केटमध्ये व्यापार करणारे सायन, मुंबई येथील निवासी व्यापारी यांचा खाजगी लॅबमधून केलेला कोरोना टेस्ट रिपोर्ट पॉझिटिव्ह आला असून ते मुंबईतील खाजगी रुग्णालयात उपचारासाठी दाखल झाले आहेत. नवी मुंबईतील ए.पी.एम.सी. मार्केटमध्ये असलेल्या त्यांच्या गाळ्यावर ते 21 मार्च 2020 नंतर आलेले नाहीत. सदर रुग्ण हे नवी मुंबई महानगरपालिका क्षेत्रातील नसून बृहन्मुंबई महानगरपालिकेमार्फत त्यांची आवश्यक काळजी घेण्यात येत आहे.