बालकांचा मोफत व सक्तीचा शिक्षणाचा हक्क अधिनियम 2009 मधील कलम 12 (1) नुसार सन 2022-23 शैक्षणिक वर्षाकरीता अल्पसंख्यांक शाळा वगळून मान्यताप्राप्त खाजगी प्राथमिक शाळांध्ये वंचित गटातील व दुर्बल घटकातील विद्यार्थ्यांना इयत्ता 1 ली किंवा पूर्वप्राथमिक वर्गात 25% आरक्षणाची तरतूद करण्यात आलेली आहे.

     शासनामार्फत सन 2023-24 या शैक्षणिक वर्षातील दिनांक 1 मार्च 2023 पासुन पालकांना ऑनलाईन प्रवेश अर्ज भरणेसाठी सुरु करण्यात आले आहे. सदरचे अर्ज दि. 17 मार्च 2023 पर्यंतच भरता येणार आहेत. सदर प्रवेश अर्ज भरणेसाठी https:/student.maharashtra.gov.in/adm_portal ही वेबसाईट देण्यात आलेली आहे. प्रवेश अर्ज भरणेबाबतच्या मार्गदर्शक सूचना RTE 25% प्रवेश पोर्टल दिलेल्या आहेत. नवी मुंबई महानगरपालिकेमार्फत पालकांना RTE 25% ऑनलाईन प्रवेश अर्ज भरण्यासाठी येणाऱ्या समस्या सोडविण्यासाठी nmmcrte25@gmail.com हा ईमेल आयडी तयार करण्यात आला आहे. तसेच अधिक माहीतीसाठी खालीलप्रमाणे गटनिहाय केंद्रसमन्वयक यांचेशी संपर्क करण्यात यावा.