नवी मुंबई महानगरपालिकेच्या कार्यक्षेत्रातील बेलापूर विभाग अंतर्गत सेक्टर-36, करावेगांव येथे अनधिकृत बांधकाम नवी मुंबई महानगपालिकेची कोणतीही पुर्वपरवानगी न घेता अनधिकृतपणे बांधकाम सुरु केले होते. या अनाधिकृत बांधकामांस बेलापूर विभागामार्फत महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आलेली होती. संबंधीतानी केलेले अनधिकृत बांधकाम स्वत:हून हटविणे आवश्यक होते. परंतु त्यांनी सदर ठिकाणी अनधिकृत बांधकाम सुरु ठेवले होते.

      सदर अनधिकृत बांधकामावर बेलापूर विभागामार्फत तोडक मोहिमेचे आयोजन करण्यात येऊन सदर अनधिकृत बांधकाम निष्कासित करण्यात आले. या धडक मोहिमेसाठी बेलापूर विभागाकडील अधिकारी / कर्मचारी, 10 मजुर, 1 गॅस कटर, 1 इलेक्ट्रीकल हॅमर, तसेच अतिक्रमण विभागाकडील पोलीस तैनात होते.

      या पुढे देखील अशाप्रकारे कारवाई तीव्र करण्यात येणार आहे.