नवी मुंबई महानगरपालिकेच्या कार्यक्षेत्रातील कोपरखैरणे विभागांतर्गत घर क्रमांक 650, सेक्टर -18 कोपरखैरणे,  घर क्रमांक 651, सेक्टर -18, कोपरखैरणे, घर क्रमांक 652, सेक्टर -18, कोपरखैरणे व घर क्रमांक 649, सेक्टर -18 कोपरखैरणे यांना अनधिकृत बांधकामाबाबत दिनांक 08 मार्च 2022 रोजी महाराष्ट्र प्रादेशिक नियोजन व नगररचना अधिनियम, 1966 मधील कलम 54 अन्वये नोटीस बजावण्यात आलेल्या होत्या. सदर बांधकामधारकांनी महानगरपालिकेची कोणतीही पूर्व परवानगी न घेता अनधिकृतरित्या बांधकाम चालू केले होते.

      या अनधिकृत बांधकामांवर कोपरखैरणे विभागामार्फत तोडक मोहिमेचे आयोजन करून हे अनधिकृत बांधकाम निष्कासित करण्यात आले. या धडक मोहिमेसाठी कोपरखैरणे विभागाकडील अधिकारी/कर्मचारी, 05 मजूर, 01 गॅस कटर, 02 ब्रेकर व जनरेटर चा वापर  करण्यात आला.

      यापुढे देखील अशा प्रकारे अतिक्रमण विरोधी कारवाई तीव्र करण्यात येणार आहे.